Námskeiðið Íslenska 4 fjarnám er sérsniðið fyrir þig sem ert að halda áfram að læra íslensku.*

Á námskeiðinu er lögð áhersla á að byggja upp fjölbreyttan orðaforða daglegs máls. Þú þjálfar alla þætti tungumáls, það er lestur, ritun, skilning og talþjálfun, með fjölbreyttum og hagnýtum aðferðum.

Námskeiðið er einstaklingsmiðað að vissu marki, byggt á lestri texta, gagnvirkum æfingum, verkefnaskilum og netspjalli við kennarann, sem og hópavinnu nemenda. Fjarnám krefst meira sjálfstæðis frá nemendum í námi. Námskeiðið er að hluta til á netinu með kennara og að hluta til sjálfsnám með stuðningi kennarans.

Íslenska 4 er framhaldsnámskeið á stigi A2.2 samkvæmt Evrópska tungumálarammanum. Þú getur skoðað rammann betur hér.

Á námskeiðinu er notað fjölbreytt námsefni og virk þátttaka nemenda til að tryggja árangursríkt og skemmtilegt nám í íslensku. Allt námsefni er rafrænt. Námsefnið Íslenska fyrir alla 4 er notað auk  aukaefnis og rafrænna stoða af ýmsu tagi.

https://fraedslugatt.is/islenska-fyrir-alla-allt/

• Byggja áfram upp fjölbreyttan orðaforða: Þú heldur áfram að læra íslensku sem nýtist í daglegu lífi og sem tengist samfélagsumræðu og þörfum þínum.
• Æfa skilning og tal: Við leggjum áherslu á talþjálfun og þú æfir fjölbreytta íslensku bæði í samtölum og frásögn.
• Auka sjálfstraust þitt til að tala íslensku: Þú kynnist og notar fjölbreyttar aðferðir sem auka sjálfstraust þitt til að tala íslensku.
• Fá þjálfun í lestri og ritun: Allir færniþættir eru æfðir í íslenskunáminu: Skilningur, tal, lestur og ritun.
• Bæta við málfræðiskilning: Málfræðin er áfram kennd og þjálfuð á einfaldan og hagnýtan hátt í tengslum við námsefnið og á grunni þess sem þú hefur þegar lært.**
• Fá ráðgjöf um næstu skref: Kunnátta þín er metin í lok námskeiðsins og þér veitt ráðgjöf um næstu skref í íslenskunámi þínu.

Námskeiðið er fyrir fólk, 18 ára og eldra, sem vill læra íslensku. Undanfari er Íslenska 1, 2 og 3 (120 klukkustundir) eða sambærileg þekking. Á fjórða stigi er íslenska notuð í kennslu.

Þátttakendur verða að kunna að lesa og skrifa latneskt letur. Námskeiðið hentar fólki sem vill meira sjálfstæði í námi, er með grunnkunnáttu í tölvunotkun og aðgang að tölvu.

• Ókeypis stöðumat fyrir skráða nemendur: Stöðumat í upphafi námskeiðs er innifalið í námskeiðsgjaldinu fyrir þau sem þess þurfa til að vita hvaða stig hentar þeim best í íslenskunáminu. Þetta tryggir gæði og betri árangur.
• Mætingarskylda: Til þess að útskrifast og fá skírteini er nauðsynlegt að ná 75% mætingu á námskeiðinu.
• Námskeiðshald: Athugið að lágmarksþátttaka er forsenda fyrir námskeiðshaldi.
• Námskrá: Íslenskunámskeið í Mími eru byggð á námskrá í íslensku fyrir útlendinga sem gefin er út af mennta- og menningarmálaráðuneytinu.

Rafrænt stöðumat, tengiliður: vanessa@mimir.is.

Stöðumat í Höfðabakka 9: mimir@mimir.is

Annað: Fyrir þau sem koma frá löndum utan EES: Hluti af skilyrðum Útlendingastofnunar til að fá ótímabundið dvalarleyfi á Íslandi er að hafa lokið 150 kennslustundum/120 klukkustundum í íslenskunámi. Það skiptir ekki máli hvort tekin eru mismunandi stig eða hvort stig eru endurtekin.