Félagsliðagátt er sérsniðin námsbraut fyrir þá sem vinna við umönnun aldraðra og fatlaðra eða í heimaþjónustu. Í náminu er lögð rík áhersla á að sameina fræðilega þekkingu og hagnýta færni og að tengja námið við fjölbreytt störf í heilbrigðis- og félagsþjónustu

Í náminu er lögð áhersla á að styrkja fagvitund þína og sjálfstraust, auk þess sem þú öðlast þekkingu og skilning á:

• Mikilvægi faglegra samskipta: Þjálfaðu skýr og árangursrík samskipti sem byggjast á virðingu.
• Margbreytileika mannlegra aðstæðna: Dýpkaðu skilning þinn á ólíkum aðstæðum í lífi fólks og mikilvægi þess að sýna fólki virðingu og umhyggju.
• Öldrunarferlinu: Lærðu um öldrunarferlið og þær breytingar sem fylgja því að eldast í víðu samhengi.
• Félagslegri þjónustu: Fáðu yfirsýn og þekkingu á helstu þáttum félagslegrar þjónustu og hvernig hún virkar.

Námið fer fram í blönduðu fjar- og staðnámi með stuðningi reyndra kennara sem auðveldar þér að samræma námið fjölskyldulífi og starfi. Einn áfangi er kenndur í einu sem gerir námið sveigjanlegt og aðgengilegt.

Þú tekur virkan þátt í umræðum og verkefnavinnu og færð reglulega endurgjöf sem styður við þig jafnt persónulega sem faglega í náminu.

Hver áfangi er kenndur í fjórar vikur. Í upphafi og í lok áfanga er skyldumæting í tíma síðdegis á virkum degi. Einnig verða vinnustofur á Microsoft TEAMS þar sem nemendur hitta kennara.

1. önn

Upplýsingatækni F-UPPT2UT
Íslenska fyrir félagsliða F-ÍSLE2TT
Samvinna og samskipti F-SAMS1SS
Öldrun F-ÖLFR1ÖL

2. önn

Enska fyrir félagsliðaF-ENSK2FK
Fjölskyldan og félagsleg þjónusta F-FSFÞ2FJ
Fötlun F- FÖFR1FÞ
Gagnrýnin hugsun og siðfræði F-SIÐF2GH
Óhefðbundin samskipti F- ÓHSA2ÓS

3. önn

Aðstoð og umönnun F-ASUM2UA
Félagsleg virkni F-FÉVI2FV
Lyfjafræði F-LYFJ2LF
Stærðfræði fyrir félagsliða F-STÆR2EÆ

4. önn
Kynja- og jafnréttisfræðsla F-KYNJ2KG
Næringarfræði F-NÆRG2NF
Hegðun og atferlismótun (sálfræði) F-SÁLF2HM
Skyndihjálp F-SKYN2SP
Valgrein: Öldrun og samfélag F-ÖLFR2ÖS

Námið er fyrir þau sem starfa við umönnun aldraðra og fatlaðra eða í heimaþjónustu.

Markhópur framhaldsfræðslunnar samkvæmt stjórn Fræðslusjóðs. Skilmálar og úthlutunarreglur Fræðslusjóðs

• Þú verður að vera 22 ára eða eldri.
• Þú verður að hafa þriggja ára (eða lengri) starfsreynslu við umönnunarstörf.
• Þú verður að hafa lokið 190 klukkustunda starfstengdum námskeiðum (Fagnámskeiði 1 og 2) hjá viðurkenndum fræðsluaðila.

• Námsmat byggist á mætingu og virkni í tímum sem hvetur til virkrar þátttöku.
• Til að ljúka námsbrautinni og útskrifast er nauðsynlegt að ná 80% mætingu.
• Hjá Mími ljúka nemendur fjórum önnum af sex. Til að útskrifast sem félagsliðar ljúka þeir síðustu tveimur önnunum í framhaldsskóla sem tryggir fullgild réttindi.
• Námið er 86 framhaldsskólaeiningar.
• Kennsla fer fram samkvæmt námskrá Fræðslumiðstöðvar atvinnulífsins, vottaðri af Miðstöð menntunar og skólaþjónustu sem tryggir gæði og áreiðanleika. Allar námskrár má nálgast hér.

• Námskeiðshald: Athugið að lágmarksþátttaka er forsenda fyrir því að námskeið verði haldið.    

Raunfærnimat: Ef þú býrð yfir reynslu úr starfi við umönnun getur þú mögulega fengið hluta námsins metinn í gegnum raunfærnimat. Ef þú vilt kanna þann möguleika skaltu hafa samband við náms- og starfsráðgjafa hjá Mími. Við erum hér til að styðja við þig á námsferlinum.

Við hlökkum til að vinna með þér til að ná markmiði þínu.