Menntastoðir er eftirsótt námsbraut sem hefur veitt mörgum ný tækifæri. Í náminu færð þú góða undirstöðu í grunnfögum, byggir upp hæfni til að læra á árangursríkan hátt og eflir sjálfstraust þitt fyrir frekara nám.

Eftir útskrift úr Menntastoðum er hægt að sækja um í undirbúningsdeildir í Háskólanum í Reykjavík, hjá Keili og Bifröst eða fara í starfs-, iðn- eða tækninám.

Í fjarnámi lýkur þú námi á tveimur önnum. Námið er fimm lotur og eru kenndar tvær námsgreinar í hverri lotu. Að auki eru tvær námsgreinar sem hvor um sig eru kenndar á einni önn. Námstækni er kennd á fyrri önn og Yndislestur á þeirri seinni.

Smellið á námsgreinar til að fá nánari upplýsingar

• Íslenska (tveir áfangar)
• Stærðfræði (þrír áfangar)
• Enska (tveir áfangar)
• Danska (einn áfangi).
• Námstækni (einn áfangi).
• Tölvu –og upplýsingatækni (einn áfangi).
• Lokaverkefni (einn áfangi).
• Yndislestur – íslenska eða enska (einn áfangi).

Námið er fyrir þau sem hafa ekki lokið framhaldsskóla og eru orðin 20 ára eða eldri.

Markhópur framhaldsfræðslunnar samkvæmt stjórn Fræðslusjóðs. Skilmálar og úthlutunarreglur Fræðslusjóðs.

Námið fer fram á íslensku. Til að taka þátt í náminu og til að tryggja sem bestan námsárangur þurfa þátttakendur að hafa hæfni á stigi B1 í íslensku samkvæmt Evrópska tungumálarammanum. Þú getur skoðað rammann betur hér.

Ef þú ert óviss með kunnáttu þína í íslensku getur þú komið í ókeypis stöðupróf í íslensku hjá Mími-símenntun áður en þú sækir um námið. Nánari upplýsingar fást hjá verkefnastjóra.

• Námsmat og námsframvinda er metin jafnt og þétt út frá hugmyndum um leiðsagnarmat, m.a. með símati, verkefnavinnu og virkri þátttöku nemenda.
• Lokapróf (í stærðfræði, íslensku og ensku) eru tekin í Mími eða á öðrum stað sem samið er um við verkefnastjóra.
• Nemendur greiða sjálfir fyrir próftöku ef að próf er tekið annars staðar en í Mími.
• Námið er niðurgreitt af Fræðslusjóði til að jafna aðgengi og efla nám fyrir fullorðna.
• Kennsla fer fram samkvæmt námskrá Fræðslumiðstöðvar atvinnulífsins, vottaðri af Miðstöð menntunar og skólaþjónustu sem tryggir gæði og áreiðanleika. Allar námskrár má nálgast hér.
• Námið jafngildir allt að 60 framhaldsskólaeiningum. Skólastjórnendur hvers skóla eru ábyrgir fyrir mati skólans á námi frá öðrum fræðslustofnunum.
• Athugið að lágmarksþátttaka er forsenda fyrir því að námið fari af stað.