Náms-og starfsráðgjafar Mímis aðstoða einstaklinga á vinnumarkaði við að taka ákvarðanir og þróa náms- eða starfsferil. Þeir veita einnig þjónustu vegna raunfærnimats

Ráðgjöfin felur í sér að:
Draga fram styrkleika fólks
Aðstoða fólk við að finna góðar leiðir að markmiðum sínum
Veita hvatningu og stuðning
Aðstoða fólk við að taka ákvarðanir um nám og/eða störf
Benda á tækifæri og opna leiðir fyrir fólk til að efla sig í starfi eða í námi

Starfsþróun er mikilvæg til að vaxa og þróast í starfi. Hún snýst fyrst og fremst um að kynna sér og móta nýjar leiðir við að sinna núverandi starfi og verkefnum í síbreytilegu umhverfi, fremur en að skipta um verkefni eða starfsvettvang. Stundum snýst starfsþróun um að fara í nám og bæta við sig þekkingu á ákveðnu sviði.

Markmiðið með starfsþróunarráðgjöf er að aðstoða fólk við að finna aukna vellíðan og virði á vinnustað sínum og vinnumarkaði almennt.

Starfsþróunarráðgjöf á vinnustað er í samstarfi við vinnuveitendur. Áherslan er á leiðsögn og ráðgjöf í samtölum þar sem færni og hæfni hvers og eins er í fyrirrúmi til að aðlaga sem best að verkefnum innan og utan vinnustaðar. Niðurstaðan er betri líðan og aukin hæfni starfsfólks auk meiri gæða í starfsemi fyrirtækisins.