Námskeiðið Íslenska og atvinnulíf er sérsniðið fyrir þig sem ert byrjandi í íslensku.* Á námskeiðinu er lögð áhersla á að byggja upp grunnorðaforða daglegs máls, bæði í skilningi og tali, með fjölbreyttum og hagnýtum aðferðum.  Hluti af námskeiðinu er fræðsla um íslenskt atvinnulíf, meðal annars réttindi og skyldur bæði vinnuveitenda og starfsmanna.

Námskeiðið skiptist í 42 klukkustundir af íslenskunámi og 16 klukkustundum af fræðslu um atvinnulífið, alls 58 klukkustundir.

Íslenskunámið er byrjendanámskeið í íslensku  á stigi A1.1 samkvæmt Evrópska tungumálarammanum linkur hér . Á námskeiðinu er notað fjölbreytt námsefni og virk þátttaka nemenda til að tryggja árangursríkt og skemmtilegt nám í íslensku. Námsefnið Íslenska fyrir alla 1 er notað auk leikja, spila, aukaefnis og rafrænna stoða af ýmsu tagi.  https://fraedslugatt.is/islenska-fyrir-alla-allt/

 Í atvinnulífshluta námskeiðsins er stuðst við fjölbreytt efni af opinberum vefsíðum sem tengjast efninu.

Námskeiðið er kennt bæði fyrir blandaða hópa og sérstaka hópa þar sem kennarinn talar tungumál hópsins, en þau eru: enska, litháíska, pólska, spænska og portúgalska, rússneska, úkraínska og víetnamska.

• Læra stafrófið, framburð og grunnorðaforða: Þú færð góðan grunn til að halda áfram að læra íslensku.
• Æfa skilning og tal: Við leggjum áherslu á  talþjálfun og þú æfir einfaldar og hagnýtar setningar.
• Fá þjálfun í lestri og ritun: Allir færniþættir eru æfðir í íslenskunáminu: Skilningur, tal, lestur og ritun.
• Kynna þér einfalda málfræði: Málfræðin er kynnt á einfaldan hátt í tengslum við námsefnið.**
• Fá fræðslu og upplýsingar: Íslenskt atvinnulíf og vinnuumhverfi, sérstaklega réttindi og skyldur vinnuveitenda og starfsmanna, er kynnt.
• Sjálfstraust og samskipti: Þú færð fræðslu og þjálfun í árangursríkum samskiptum fyrir samstarf og samvinnu.
• Fá ráðgjöf um næstu skref: Kunnátta þín er metin í lok námskeiðsins og þér veitt ráðgjöf um næstu skref í íslenskunámi þínu.

*Við skráningu á námskeið í íslensku samþykkja nemendur að verða fluttir á milli hópa ef þörf krefur til að tryggja sem bestan námsárangur.

**Hvert námskeið er aðlagað viðkomandi nemendahópi og geta áherslur því verið mismunandi milli hópa til að mæta þörfum þínum.

Námskeiðið er fyrir fólk, 18 ára og eldra, sem vill læra íslensku, fræðast um íslenskt atvinnulíf og efla sig í góðum samskiptum. Þátttakendur þurfa að kunna að lesa og skrifa latneskt letur.

Markhópur framhaldsfræðslunnar samkvæmt stjórn Fræðslusjóðs  Skilmálar og úthlutunarreglur Fræðslusjóðs.

• Námsmat byggist á mætingu, símati og virkni í tímum sem hvetur til virkrar þátttöku.
• Til að ljúka  námsbrautinni og útskrifast er nauðsynlegt að ná 80% mætingu.
• Námið er niðurgreitt af Fræðslusjóði til að jafna aðgengi og efla nám fyrir fullorðna.
• Kennsla fer fram samkvæmt námskrá Fræðslumiðstöðvar atvinnulífsins, vottaðri af Miðstöð menntunar og skólaþjónustu sem tryggir gæði og áreiðanleika.  https://frae.is/namskra/allar-namskrar/
• Ókeypis stöðumat fyrir skráða nemendur: Stöðumat í upphafi námskeiðs er innifalið í námskeiðsgjaldinu fyrir þau sem þess þurfa til að vita hvaða stig hentar þeim best í íslenskunáminu. Þetta tryggir gæði og betri árangur.
• Námskeiðshald: Athugið að lágmarksþátttaka er forsenda fyrir námskeiðshaldi.

Rafrænt stöðumat, tengiliður: vanessa@mimir.is.

Stöðumat í Höfðabakka 9: mimir@mimir.is

Annað: Fyrir þau sem koma frá löndum utan EES: Hluti af skilyrðum Útlendingastofnunar til að fá ótímabundið dvalarleyfi á Íslandi er að hafa lokið 150 kennslustundum/120 klukkustundum í íslenskunámi. Það skiptir ekki máli hvort tekin eru mismunandi stig eða hvort stig eru endurtekin.